بسم الله الرحمن الرحيم
انا شاب مصرى زى اى شاب عايز يشوف بلده احسن بلد فى الدنيا وكان عندى تفائل كبير بعد ثورتنا العظيمه التى كانت حديث العالم كله ولكن التفائل ده لاقيته كل شويه يقل يقل حتى وصل لمرحله الاحباط ايوة مش ببالغ احباط وشديد كمان.
مش عارف ليه يا بلدى كل واحد ياتى لكى يمسك الحكم فيكى يجى يطمع فيكى ويعمل لصالحه هو وعشيرته فقط دون النظر الى مصالح الشعب الغلبان والمغلوب على امرة.
بجد نفسى اشوفك فى احسن صوره يا بلدى
وعلشان كده قررت ان انشئ المدونه هذه كنوع من كسر حاله الاحباط وتفريغ شحنه الغضب الى عند الواحد وعلشان ندردش كلنا مع بعض وناخد رأى بعض يمكن نتطلع بفكره لصالح هذة البلد وحتى لو ماطلعناش بفكرة يبقى فكينا عن بعض
وانا ان شاء الله سوف اضع فى هذه المدونه كل اخبار مصر اول بأول حتى يستطيع اى شخص بدل ان يتعب نفسه فى الوصول الى الأخبار سوف يجد هنا كل جديد عن مصر واخبار مصر ويا رب تبقى تغطيه ترضيكم جميعا
وانا الان غير محتاج الا تشجيعكم ومساعدتنى على التطوير دائما فى هذه المدونه التى هى من الان مدونتا كلنا
اسف على التطويل ولكم جزيل الشكر
شاب مصرى
ليست هناك تعليقات:
إرسال تعليق